Ls oufícios

 Eiqui tenemos un de ls lhaços mais repersentatibos de ls dançadores de ls palos de la Tierra de Miranda. Ten cumo motibo alguns de ls oufícios d´anton: l barbeiro, l ferreiro, l ferrador i l cardador. L “Grupo Folclórico Mirandês de Duas Igrejas”, cun ls sous dançadores dou la buolta al mundo, tenendo atuado an países de la Ouropa, de la Àfrica, de la America de l Norte i de la Ásia. Siempre ourientado pul Padre António Maria Mourinho. Durante esse tiempo ls tocadores tamien fuoram quaise siempre ls mismos: Alexandre Feio; l gueiteiro. Alfredo Ventura; l caixeiro i Belmiro Antão; l tocador de l bombo i ansaiador de la dança. Ls dançadores iban mudando cunforme la eidade. La pauta desta moda stá an l lhibro de “La Nuossa Gaita” i nun squecer que las gaitas stán afinadas an “Si bemol menor híbrido”. Grabaçon de refréncia: “Os Jogos e os Homens IV, Rádio Televisão Portuguesa,” 1981-01-06.