APENAS VOTO NA LIBERDADE

 (mirandés) SOLO BOTO NA LHIBERDADE

bota an mi: diç-me cun rábia ne ls beiços!
nó, you nunca botarei an ti.
bota an mi: diç-me un berriando,
cumo quien squemunga ls diuses!
you miro-lo cun uolhos arregalados,
culs sentimientos derramados,
i nó, you nunca botarei an ti.
la mie sina ye esta:
amar la lhiberdade!
scolher ls honrosos
star de bien cula houmanidade
i nun botar an mazmárrias peligrosos!
nó, nunca botarei an ti! solo botarei
an quien seia capaç,
d’aproponer semientes que sembrarei,
an prainadas de paç!
bai, tenes ira de lhucifer,
pergones d’alperchin i fiel,
mas you nun quiero saber,
prefiro tresjeitos de miel.
talbeç nun bote ne l cielo,
mas abrirei un portielho,
que nun deia pa l miedo!
sei an quien botarei,
i sei que nun será an ti:
solo an quien diba berdade,
guerreie la falsidade
i acarine la lhiberdade!

Carlos Ferreira 2026

(português) APENAS VOTO NA LIBERDADE

vota em mim: diz-me com raiva nos lábios!
não, eu nunca votarei em ti.
vota em mim: diz-me um gritando,
como quem excomunga os deuses!
eu olho-o com olhos esbugalhados,
com os sentimientos sobressaltos,
e não, eu nunca votarei em ti.
a minha sina é esta:
amar a liberdade!
escolher os honrosos
estar de bem com a humanidade
e não votar em fatelas perigosos!
não, nunca votarei em ti! apenas votarei
em quem seja capaz,
de propor sementes que semearei,
em campinas de paz!
vai, tens ira de lucifer,
pregões de lama e fel,
mas eu não quero saber,
prefiro trejeitos de mel.
talvez não vote no céu,
mas tentarei uma passagem,
que não nos traga o breu!
sei em quem votarei,
e sei que não será em ti:
apenas em quem diga verdade,
combata a falsidade
e proteja a liberdade!

Carlos Ferreira 2026