Cántico Negro (perpuosta de traduçon para Mirandés de l "Cântico Negro" de "José Régio")

Por: António Preto Torrão
(colaborador do "Memórias...e outras coisas...")

"Ben por eiqui" — dízen-me alguns cun uolhos doces,
Stendendo-me ls braços, i siguros
De que serie buono que you les oubisse
Quando me dízen: "ben por eiqui"!
You oulho-los cun uolhos fadigados,
(Hai, ne ls mius uolhos, ironias i cansaços)
I cruzo ls braços,
I nunca bou por eilhi...

La mie glória ye esta:
Criar desoumanidade!
Nun acumpanhar a naide.
— Que you bibo cul mesmo sin-buntade
Cun que rasguei l bentre a mie Mai.

Nó, nun bou por ende! Só bou por donde
Me lhieban mius própios passos...
Se al que busco saber ningun de bós responde,
Por que me repetis: "ben por eiqui"?

Antes quiero resbalar ne ls caleijos lhamacentos,
Remolinar als bentos,
Cumo farrapos, arrastrar ls pies sangrentos,
A ir por ende...

Se bin al mundo, fui
Solo pa çflorar matagales birges,
I zenhar mius própios pies na arena inda nun splorada!
L mais que fago nun bal nada.

Cumo, pus, sereis bós
Que me dareis ampulsos, ferramientas i coraige
Para you birar ls mius oustáculos?...

Cuorre, nas buossas benas, sangre bielho de ls abós,
I bós amais l que ye fácel!
You amo l Lonje i la Miraige,
Amo ls abismos, las torrientes, ls zertos...

Ide! Teneis stradas,
Teneis jardines, teneis canteiros,
Teneis pátrias, teneis telhados,
E teneis reglas, i tratados, i filósofos, i sábios.

You tengo la mie Tontura!
Lhebanto-la, cumo un facho, a arder na nuite scura,
I sinto scuma, i sangre, i cánticos ne ls lábios...

Dius i l Diabo ye que guian, mais naide!

Todos tubírun pai, todos tubírun mai;

Mas you, que nunca amprencipio nin acabo,
Naci de l amor q’hai antre Dius i l Diabo.

Ah, que naide me dé piadosas antenciones!
Naide me pida defeniçones!
Naide me diga: "ben por eiqui"!

La mie bida ye ua bentaneira que se soltou.
Ye ua óndia que s’alhebantou.
Ye un átimo a mais que s’animou...

Nun sei por donde bou,
Nun sei par onde bou,
— Sei que nun bou por ende!

José Régio, Poemas de Deus e do Diabo, Portugália Editora, Lisboa, 1969, pp. 57-59

António Preto Torrão. Licenciado em Filosofia (Universidade do Porto)
DESE em Administração Escolar (ESE do Porto)
Mestre em Educação – Filosofia da Educação (Universidade do Minho)
Pós-graduado em Inspeção da Educação (Universidade de Aveiro)
Professor e Presidente Conselho Diretivo/Executivo
Orientador de Projetos do DESE em Administração Escolar (ESE do Porto)
Autor de livros e artigos sobre Administração Educativa
Formador Pessoal Docente e Diretores de AE/Escolas
Inspetor e Diretor de Serviços na Delegação Regional/Área Territorial do Norte da IGE/IGEC