TABAFEIAS

(mirandés) TABAFEIAS: CLASSIFICAÇON IGP PARA QUANDO?

Tirando l nome, pa l mais de la giente, tabafeias i alheiras son la mesma cousa: mas nun ten nada a ber! Tabafeia ye l nome dado puls mirandeses a las sues alheiras! L nome de cada cousa ye mui amportante, mormente ye sina de que fui criado por dius. Nun bou eiqui a çcutir se fúrun, ou nó, ls judius que stan na ourige deste tan fantástico comido. Deixo-bos solo este decumiento filmado, amostrando la moda tradicional cumo son feitas las tabafeias mirandesas pula mie tie i bezinas. Acrecentar que, mie mai nunca comiu alheiras doutros sítios, mas naide serie capaç de la cumbencer, que las sues tabafeias nun éran las melhores de l mundo. Nessa parte you sali eigualico a eilha: estas tabafeias q’eiqui bos amostro, son rialmente las melhores de l mundo, i nien sequiera stou çponible para çcutir cun quien nun steia d’acordo comigo! L amor que queda metido andrento la tripa: cuonta.

Tengo ua pena mui grande que inda nun stéien classificadas IGP. “La classificaçon IGP (Indicaçon Giográfica Protegida) ye un seilho de l’Ounion Ouropeia para produtos agrícolas i gastronómicos lhigados a ua region, garantindo que pul menos ua fase de produçon (produçon, tresformaçon ou preparaçon) oucuorre na área giográfica, cunferindo al perduto ua culidade, reputaçon ou caratelística lhigada a la sua ourige”.

Por bezes nun hai cuncéncia de l’amportança q’estas classificaçones ténen para criar riqueza pa las nuossas tierras. Por eisemplo ganhar l prémio de l melhor anchido de l mundo. Que pena tengo... 

Carlos Ferreira 2025

(português) TABAFEIAS: CLASSIFICAÇÃO IGP PARA QUANDO?

Tirando o nome, para a maioria das pessoas, tabafeias e alheiras são a mesma coisa! Mas não tem nada a ver. Tabafeia é o nome dado pelos mirandeses às suas alheiras! O nome de cada coisa é muito importante, sobretudo é sinal que foi criado por deus. Não vou aqui discutir se foram, ou não, os judeus que estão na origem desta tão fantástica gastronomia. Deixo-vos apenas este documento filmado, mostrando a forma tradicional como são feitas as tabafeias mirandesas pela minha mulher e vizinhas. Acrescentar que, a minha mãe nunca comeu alheiras de outros lados, mas ninguém serie capaz de a convencer, que as sues tabafeias não eram as melhores do mundo. Nessa parte eu saí igualzinho a ela: estas tabafeias que aqui vos mostro, são realmente as melhores do mundo, e nem sequer estou disponível para discutir com quem não esteja de acordo comigo! O amor que fica metido dentro da tripa: conta.

Tenho uma pena imensa que ainda não tenham sido classificadas IGP. “A classificação IGP (Indicação Geográfica Protegida) é um selo da União Europeia para produtos agrícolas e gastronómicos ligados a uma região, garantindo que pelo menos uma fase de produção (produção, transformação ou preparação) ocorre na área geográfica, conferindo ao produto uma qualidade, reputação ou característica ligada à sua origem”.

Por vezes não há consciência da importância que estas classificações têm para criar riqueza nas nossas terras. Por exemplo ganhar o prémio de melhor enchido do mundo. Que pena tenho...